"ان الحمد لله"
"قوموا الى صلاتكم يرحمكم الله"
لم أعد اذكر من خطبة الجمعة غير هاتين الجملتين.
خطبة الجمعة اصبحت كابوس اسبوعى بالنسبة لى، فى كل مرة اتمنى ان أستفيد شيئا ولكن للاسف
كلمات تخرج من بطون الخطباء لا من قلوبهم ، تخرج ميته بلا روح
كلمات مكرورة وقليلة الحكمة ومسطحة وتجعلك تظن أن هذا الدين يمكن احتوائة فى عشر صفحات فلوسكاب
معقولة ......؟
الأ يوجد لدى هؤلاء الخطباء غير نفس القصص البلهاء ونفس الحكايات التى سمعناها الآف المرات
والآف الأحاديث والمواقف الموجودة فى التاريخ لماذا تم اختذالها فى بضعة أحاديث (وغالبا ما تكون احاديث ضعيفة أو غريبة) وبعض المواقف المكررة؟
ثم لماذا تتحول المناسبات الدينية الى كلمات جوفاء مكررة؟
نفس الكلام الخاص بكل مناسبة يتكرر كل عام فى رمضان وعاشوراء والمحرم وذى الحجه
ولماذا يصر الخطباء فى كل عام على ان يشرحوا لنا فى خطبة الجمعة مناسك الحج ومبطلات ومكروهات الحج بالرغم من أننا لن نحج هذا العام والذين كتب لهم الحج موجودون الآن على جبل عرفات
خطيب الجمعة اليوم كان يتكلم عن التقشف وان الرسول كان يجوع يوماً ويشبع يوماً وكلام جميل من النوع ده ... طيب ايه المشكلة؟
أقولك .. المشكلة ان الخطيب من اصحاب الكروش الكبيرة ووزنه يجيى ميه وخمسين كيلو (مشفى من غير العضم)
طيب ازاى اصدقه...؟
أكيد الهدف من صلاة الجمعة مش هو اللى بيحصل دلوقتى .
10 التعليقات:
والله يا محمد انت غاوي وجع دماغ. بالله عليك تروح لواحد تخين ولا رفيع، مش مهم هو انت شايله على دماغك يا أخي، ما المنبر هو اللي مستحمل وما بيتكلمش، المهم الراجل ده عادة بيبقى مريح وأديك بتصحى لما يقول الصلاة خير من النوم، قصدي قوموا إلى صلاتكم، وتفقع الركعتين والحمد لله. المصيبة بقى في اللي عايز يتفلسف ويشرح علشان حضرتك تستفيد. هي دي المشكلة الحقيقية. لأنك طبعا تقدر تستفيد وانت ممدد قدام التلفزيون أو بتشرب شايك على القهوة أو في أي وضع مريح تاني، مش من الأخ الخطيب. تقوم انت يا محمد أفندي تطالب بخطبة عصماء مفيدة ولها معنى؟ الرحمة يا راجل الرحمة
The Khotba here is two parts, a long passionatte one in Ordo or Gojrati, and a short (5 minutes max) formal one in Arabic.
Similar to your's, the idea is to maintain the form (structure) much more than the content.
I'm sure we could do much better, it could be more interesting as well as useful. But first, Imam's have to be willing and (21st century) capable.
والله يا جماعة حتى خطبة الشيخ القرضاوى أحيانا كتيرة بتكون غير مفيدة خالص
لدرجة انى بيجينى شعور ان أنا كده خلاص خدت نصيبى من الخطب وكفاية كدة.
لكن واضح جدا تأثير الخطبة عند مسعد فى اطلانطا وعند ضياء فى لندن.
انا كنت ناوي اكتب موضوع عن الخطبة بس لسة مخلصتوش
والله لولا اني واخد براي ان الخطبة واجب او هي جزءمن الصلاة لكنت رحت علي الركعتين وخلاص
فعلا الخطب لا معني لها
لا في مصر ولا في امريكا
كلها فارغة وكلها ملهاش لازمة
افضل فقرة في اي خطبة جمعة هو الدعاء
اللي في الوسط بس
عشان دي هي الفقرة الوحيدة اللي بتخليك تدعي مع نفسك وتوصل بالله
حتي الدعاء الاخراني جماعي وبيفرض عليك كلام منتش عاوز تسمعه اصلا ساعات
والله مسمعت خطبة توحد ربنا بقالي اكثر من 6 سنين تقريبا
الا في الحالات الشاذة
وبتكون من امريكان اسلموا مثلا
وعلي راي محمد مسعد
كيف تجرؤ وتطالب بخطبة مفيدة ولها معني ؟
الرحمة :)))
ما تيجى نشوفلنا جامع نصلى فيه على السكند لايف
اكيد الدنيا هناك هتكون احسن
أحسن تعليق سمعته علي الموضوع ده من م.أحمد حسان انه بيروح جنب العمود ينام ويصحي علي الإقامة واهي فرصة كويسة للراحة
حورس
جميلة جدا
أنا كنت كاتب دي من فترة :
http://mos3abof.blogspot.com/2006/04/blog-post_21.html
ده توارد افكار يا عم مصعب
عموما أنا مركز جوه الجامع وانت مركز اكتر برة بعد الصلاة
يبقى فاضل حد يركز فى الميضه
استنى منى تدوينه قريبه
ممكن يكون الراجل ده تخين عشان عنده مرض معين مثلا، أو عنده بدانة وراثية، أو حاول يعمل رجيم بس مقدرش، وممكن يكون بينصح نفسه والسامعين بموضوع الزهد.
وعموما الزهد ليس في الطعام فقط.
أنا باكل وجبتين في اليوم ومش مفجوع ولا حاجة ومش باخد سكريات ، ولا حتي أكتر من معلقة سكر علي كوباية الشاي. بس عندي كرش عشان مش باتحرك كتير وشغلي علي المكاتب.
أنا زيك مش فاكر اخر خطبة ليها طعم كانت امتي بس لو حد بيكلمني في الزهد مش هابص للي هو لابسه أو هيئته، أنا هاركز في الكلام وبس وأشوف الكلام منطقي ولا لأ؟؟ يعني هاركز علي المحتوي وليس مطابقة المحتوي لحال المتكلم.
ولي موضوع حديث هنا أيضا
http://unbrainwasher.blogspirit.com/archive/2007/01/23/islamic-civ-religious-discourse.html
Salam alikom what about Shiekh Mohammad Hassan we Fawzy el sa3eed we abo es7aq el nas el gamda de elle raf3a rasna fe koll makan
tahya masr
إرسال تعليق